طريقة عمل البسيسة الفلاحي… سرّ الهشاشة والطراوة

البسيسة أو كيكة الذرة واحدة من أشهر الحلويات المصرية التقليدية اللي ارتبطت بذكريات البيت المصري، خصوصًا في القرى والريف، بنكهتها المميزة ورائحتها اللي بتفكرنا بطعم زمان، ما زالت حتي الآن من أكتر الوصفات اللي بيتم البحث يوميًا، في المقال ده هنشرح أسهل طريقة لعمل البسيسة على أصولها، مع أهم أسرار نجاحها، وملاحظات ضرورية لضبط القوام والطعم، بطريقة تناسب المبتدئين والمحترفين.

طريقة عمل البسيسة على أصولها

المكوّنات:

2 كوب دقيق ذرة ناعم (أصفر أو أبيض حسب المتوفر).
1 كوب دقيق أبيض.
1 كوب سكر.
1 كوب لبن أو زبادي.
نصف كوب زيت
3 بيضات.
ملعقة صغيرة فانيليا.
ملعقة كبيرة بيكنج بودر.
رشه ملح.
ملعقة صغيرة قرفة (اختياري).
ملعقتين كبار جوز هند (اختياري لكن بيزود الطراوة والنكهة).

طريقة التحضير خطوة بخطوة

يتم العمل علي تحضير كيكية البسيسة بهذه الخطوات:

تجهيز الخليط السائل:
- في طبق كبير نضرب البيض مع السكر لحد ما القوام يبقى كريمي.
- نضيف الزيت واللبن/الزبادي ونقلب كويس.
- نضيف الفانيليا ورشة القرفة (لو المستخدم بيحبها).
تجهيز المكونات الجافة:
- نخلط دقيق الذرة مع الدقيق الأبيض والبيكنج بودر والملح وجوز الهند.
- لازم نخلطهم كويس عشان كيكة الذرة تبقى هشه.
دمج المكونات:
- نضيف الخليط الجاف تدريجيًا على الخليط السائل ونقلب بالمعلقة أو المضرب اليدوي.
- أهم حاجة ما نقلبش كتير عشان البسيسة تفضل هشه.
الصبّ والخبز:
- ندهن صينية الفرن بالزيت ونرشها رشه دقيق ذرة.
- نصب خليط البسيسة ونساوي السطح.
- ندخلها فرن ساخن مسبقًا على درجة 180 لمدة 25–35 دقيقة أو لحد ما تأخذ لون ذهبي وتستوي من جوه.

نصائح مهمّة لنجاح البسيسة

دقيق الذرة بيحتاج سوائل أكتر من الدقيق الأبيض، فلو القوام كان سميك جدًا نضيف ربع كوب لبن إضافي.
الزبادي بيدي طراوة أكتر من اللبن.
القرفة اختيارية لكنها بتدي ريحة وطعم مميز.
ممكن تضيفي بشر برتقال لو عايزة نكهة مختلفة.
يفضّل ترك البسيسة تهدأ قبل التقطيع عشان ما تتفتتش.